Gəncədə “Biz birlikdə güclüyük” – Xeyriyyə aksiyası həyata keçirilir.
Etmtv. news GəncəNews-ə istinadən xəbər verir ki, xeyriyyə aksiyası çərçivəsində bir çox aztəminatlı ailəyə ərzaq yardımı edilib.
Kimsəsizə əl tutmaq, ehtiyacı olana yardım etmək, bir sözlə,milli dəyərlərdən irəli gələn nəcib və xeyirxah işlər görmək bu çətin günlərdə hər kəsin vətəndaşlıq məsuliyyətinə çevrilib.
Həm dövlətimizin təşəbbüsünə, həm də aztəminatlı ailələrə dəstək olmaq məqsədi ilə Gəncənin fəal gənclərindən olan Tural İsaqov tərəfindən “Biz birlikdə güclüyük” adlı xeyriyyə aksiyası başladılıb: “Koronavirus səbəbindən yaranmış vəziyyətlə əlaqədar bir qrup ailə ərzaq və ya digər ehtiyaclarını təmin etməkdə çətinlik çəkir. Əlbəttə ki, bu istiqamətdə dövlətimiz tərəfindən müvafiq addımlar atılır, yardımlar olunur. Lakin, çətin günlər olduğunu nəzərə alaraq həm dövlətimizin təşəbbüsünə həm də aztəminatlı ailələrə dəstək olmaq məqsədi ilə “BİZ BİRLİKDƏ GÜCLÜYÜK” xeyriyyə aksiyası başlatmağı qərara aldıq”.
Xeyriyyə aksiyası Gəncə, Samux, Göygöl və Şəmkirdə yaşayan aztəminatlı ailələrin ərzaq və digər ehtiyaclarının ödənilməsinə xidmət edəcək.
5 gündən artıqdır start götürən xeyriyyə aksiyası çərçivəsində bir çox aztəminatlı ailəyə ərzaq yardımı edilib.