Gəncə İdman liseyinin 6a şagirdləri “Xocalı faciəsi”-nin otuz üçüncü il dönümünə həsr olunmuş təqdimat keçiriblər.
Tədbiri liseyin direktoru Mehman Allahverdiyev açmış, Xocalı şəhidlərinin xatirəsi bir dəqiqəlik sükutla yad edilmişdir.
Mehman Allahverdiyev Xocalı faciəsinin nəticələri barədə danışmış, bunun insanlıq tarixində ən amansız terror hadisəsi olduğunu qeyd etmişdir. Soyqırımın ermənilərin etnik təmizləmə siyasətinin bir hissəsi olduğunu bildirən M. Allahverdiyev tariximizi yaxşı öyrənməyin vacibliyini vurğulamışdır. Erməni qəsbkarlarının törətdikləri vəhşiliklər nəticəsində xocalıların əlli faizinin məhv edildiyini xatırladan Mehman Allahverdiyev ümummilli lider Heydər Əliyevin hakimiyyətə qayıdışından sonra bu hadisəyə siyasi-hüquqi qiymət verildiyini, xalqımızın haqq səsinin dünyaya bəyan olunduğunu diqqətə çatdırmışdır.
Şagirdlər qısa fraqmentlərlə vəhşicəsinə törədilən bu faciəni yad ediblər.
Direktor Mehman Allahverdiyev, direktor müavini Baris müəllim, ədəbiyyat müəllimi Gövhər müəllimə və sinif rəhbəri Xavər müəllimə bu tarixi hadisə haqqında şagirdlərə məlumatlar veriblər.
