Nazirlər Kabineti yanında Operativ Qərargahın tətbiq etdiyi karantin rejiminə uyğun olaraq yaşı 65-dən yuxarı vətəndaşların evdənçıxma qadağası nəzərə alınaraq, Gəncədə tənha yaşayan ahıl şəxslərə və aztəminatlı ailələrə yardımlar olunması davam edir.
Etmtv. news xəbər verir ki, Gəncə Dövlət Universiteti də Gəncə Şəhər İcra Hakimiyyətinin bu təşəbbüsünə qoşularaq tənha yaşayan ahıllara və aztəminatlı ailələrə yardım etməyə başlamışdır.
İlkin olaraq 40 ailəni sevindirən Gəncə Dövlət Universiteti yaxın günlərdə daha 20 nəfərə belə yardımın edilməsini qərara almışdır. Artıq yardımlar ehtiyacı olan ailələrə çatdırılmışdır.
Təşəbbüs çərçivəsində işlər davam etdirilir.
