Azərbaycan Dövlət Aqrar Universitetinin Aqronomluq fakültəsinin professor-müəllim heyəti Zaqatala rayonunda Dövlət Aqrar İnkişaf Mərkəzində ( DAİM) “Perspektiv taxıl sortları, onların becərilmə texnologiyası və toxumçuluğu” mövzusu üzrə təlim keçmişdir.
İlk ziyarət Ulu öndər Heydər Əliyevin abidəsindən başlamışdır.
Giriş sözü ilə Zaqatala rayon İcra Hakimiyyəti başçısının müavini İlkin Şəfizadə tədbiri açmışdır.
Daha sonra, aqronomluq fakültəsinin dekanı, dosent Məhərrəm İsmayılov ADAU haqqında təqdimat ilə çıxış etmiş, videoçarx izlənmişdir.
Dosent , ADAU-nun professoru Firudin Qurbanov “Perspektiv taxıl sortları, onların becərilmə texnologiyası və toxumçuluğu”, dosent , Aytəkin Məmmədova “Dənli taxıl bitkilərinin əsas xəstəlikləri və onlara qarşı mübarizə tədbirləri”, baş müəllim Ramiz Əsgərov “Dənli taxıl bitkilərinin əsas zərərvericiləri və onlarla mübarizə üsulları” mövzusunda məruzələr ilə çıxışlar etmişdir.
Təlimdən sonra Dövlət Aqrar İnkişaf Mərkəzində Azərbaycan Dövlət Aqrar Universitetinin tələbələrindən ibarət Aqrar İnkişaf Könüllüləri birliyi yaradılmış, onların iş planı tərtib edilmiş və toplantıları keçirilmişdir .
Dövlət Aqrar İnkişaf Mərkəzində ( DAİM) “Perspektiv taxıl sortları, onların becərilmə texnologiyası və toxumçuluğu” mövzusu üzrə təlim
