BDU-nun yeni rektoru tələbəyə ŞOK YAŞATDI

Bakı Dövlət Universitetinin yeni rektoru Elçin Babayev maraqlı addım atıb.

“Qafqazinfo”nun məlumatına görə, bununla bağlı sosial şəbəkələrdə yayılan videodan görünür ki, rektor bufetdə ad günü keçirilən masaya yaxınlaşaraq təbriklərini çatdırıb. Tələbələrlə birgə tort dadmaq istədiyini deyən Elçin Babayevə tortun hələ yolda olduğu deyilib.

Rektor otağına qayıdandan sonra doğum gününü qeyd edən tələbə şirnini Babayevin otağına göndərib.

Bundan sonra isə BDU rektoru yenidən bufetə enib və həmin tələbəyə şokolad hədiyyə edib. O, hədiyyəni tələbəyə uzadan zaman “bahalı şeydir e bu” zarafatını da edib.

Rektor tələbənin alnından öpərək, ona uğurlar arzulayıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.