“Bir qism müəllimlər var ki, onların diplomunun mənbəyini təyin edə bilmirik”.
Bu sözləri elm və təhsil naziri Emin Əmrullayev media üçün brifinqdə deyib.
Onun sözlərinə görə, sovet dönəmində diplom alan bir qrup müəllimlər var ki, onların diplomlarının gerçək və ya saxta olması ilə bağlı heç bir məlumat əldə etmək olmur.
“Hətta müəllimlər diplomla yanaşı, həmin dönəmdə diplomu təqdim edən nazirlik nümayəndəsi ilə şəklini də sübut olaraq gətirir, amma yenə də həmin diplomların nə qədər həqiqəti əks etdirdiyini sübuta yetirə bilmirik”, – deyə nazir bildiib.