Azərbaycanda Ramazan bayramı qeyd olunur. Bu gün və sabah Azərbaycanda Ramazan bayramıdır.
Ramazan bayramının namazı martın 30-da saat 08:00-09:00 aralığında qılınıb.
Qeyd edək ki, bu il Azərbaycanda Ramazan ayı martın 1-də başlayıb. Azərbaycanda Ramazan bayramı 1993-cü ildən dövlət səviyyəsində qeyd olunur.
Azərbaycan Respublikasının Prezidenti İlham Əliyev Ramazan bayramı münasibətilə sosial şəbəkədə paylaşım edib.
Dövlət başçısının paylaşımında deyilir:
“Əziz bacı və qardaşlarım!
Sizə və dünyanın müxtəlif guşələrində yaşayan bütün soydaşlarımıza Ramazan təbriklərimi çatdırır, ailələrinizə xoşbəxtlik, süfrələrinizə ruzi-bərəkət arzulayıram.
Allah orucunuzu və dualarınızı qəbul etsin.
Ramazan bayramınız mübarək olsun!”.
