Gəncədə şəhərində Qurban Bayramı münasibətilə bayram namazı qılınıb

Bayram namazı “İmamzadə” dini ziyarətgahında və şəhərin bütün məscidlərində eyni vaxtda – saat 08:00-da başlayıb. Yüzlərlə şəhər sakininin qatıldığı bayram namazında Ulu Öndər Heydər Əliyevin və şəhidlərimizin ruhuna dualar edilib, xalqımıza əmin-amanlıq və ruzi bərəkət arzulanıb.

Bayram namazından sonra DQİDK-nin Gəncə bölgəsi üzrə şöbəsinin müdiri Həsən Məmmədov və QMİ-nin Qazılar Şurasının üzvü Hacı Tahir Abbasov şəhid ailələri ilə görüşüb, onları Qurban Bayramı münasibətilə təbrik ediblər.

Xatırladaq ki, bu il Azərbaycanda Qurban bayramı iyun ayının 16-sı və 17-də qeyd olunur.