Ukraynanın ikinci böyük şəhəri olan Xarkovda Azərbaycanın 44 günlük Vətən müharibəsində qazandığı şanlı Qələbə, 8 Noyabr – Zəfər Günü münasibətilə bilbord quraşdırılıb.
Azərbaycanın Xarkovdakı fəxri konsulluğunun təşəbbüsü ilə keçirilən bayram aksiyasında nümayiş etdirilən bilbordda “Azərbaycanın Qələbə Günü”, “Qarabağ-Azərbaycandır!” şüarları yazılıb, Zəfərimizin rəmzi “Xarıbülbül”ün və Azərbaycan dövlətinin xəritəsinin şəkli əks olunub.
Azərbaycanın Xarkovdakı fəxri konsulu Əfqan Salmanovun mətbuata verdiyi məlumatda şəhərin mərkəzi hissələrində daha 3 bilbordın yerləşdiriləcəyi və bilbordların bir aya yaxın müddətdə nümayiş olunacağı bildirilib.