Gəncədə Təhsildə İnkişaf və İnnovasiyalar üzrə V Qrant müsabiqəsinin qalibi olmuş “Sağlam Ruh – Xoşbəxt gələcək” layihəsinin ilk təlimi həyata keçirilib.
Təlim Gəncə şəhər M.Mehdizadə adına 4 nömrəli xarici-dillər təmayüllü məktəb-liseydə baş tutub. Təlimdə həmin məktəbin IX sinif şagirdləri iştirak edib.
Layihənin psixoloqu şagirdlərlə psixoloji müşahidələr aparıb, interaktiv oyunlar keçirib. Şagirdlər onları narahat edən problemləri psixoloqa ünvanlayıb.
Məlumat üçün qeyd edək ki, layihə müddətində həmçinin valideynlərlə offline və online görüşlər keçirilməsi planlaşdırılır.
