Mehman Allahverdiyev “Tərəqqi” medalı ilə təltif olundu

Bildiyimiz kimi Gəncə şəhər idman liseyinin direktoru Mehman Allahverdiyev Azərbaycan Respublikasının Prezidenti İlham Əliyevin müvafiq sərəncamına əsasən “Tərəqqi” medalı ilə təltif olunub.

Dekabrın 20-də Prezident İlham Əliyev Azərbaycanda idmanın inkişafında xidmətləri olan bir qrup şəxsin təltif edilməsi haqqında Sərəncam imzalayıb.

Sərəncama əsasən, 1 nəfər “Azərbaycan Respublikası Prezidentinin fəxri diplomu”, 17 nəfər “Tərəqqi” medalı ilə təltif edilib. Bundan başqa, Azərbaycanda idmanın inkişafında xüsusi xidmətlərinə və yüksək peşəkarlığına görə 3 nəfərə “Əməkdar bədən tərbiyəsi və idman xadimi” fəxri adı verilib.

Həmçinin ölkə idmanının inkişafında uzunmüddətli səmərəli fəaliyyətinə görə 4 nəfərə Azərbaycan Respublikası Prezidentinin fərdi təqaüdü təyin edilib.

“Tərəqqi” medalı ilə təltif olunanlar arasında Gəncə şəhər idman liseyinin direktoru Mehman Allahverdiyev də vardır.

Mehman müəllimi təbrik edir, uğurlar arzulayır, Gəncə idman liseyinin kollektivinin onun rəhbərliyi altında daha böyük uğur və nailiyyətlərə  imza atacağına inanırıq.