İti ölən müğənni -“Azərbaycandan gedirəm, mentalitetinizi başınıza çırpın!”

Müğənni Nahidə Babaşlının qəzada iti ölüb. Acığını vətənindən çıxmağı qərara alıb.

Bu barədə sosial media hesabında status yerləşdirən bu maymaq qız yazır:

“Canımdan çox sevdiyim Köpüyümü avtomobil qəzasında itirdim. Ömrü boyu sevgini daşıyacağam. Nə yazsam, nə desəm, kədərim azalmır. İlk dəfə gəzdirməsi üçün birinə verdim, onda da qucağımda can verdin. Köpük mənim hər şeyim idi”.

Nahidə bildirib ki, hadisə Bakıda baş verdiyi üçün ölkədən gedir:

“Qəza Bakıda oldu, maşın vurdu və qaçdı. Hələ də hadisənin şokundayam. Bilet aldım, bir neçə saat sonra bu ölkədən gedirəm. Ümidim bir də qayıtmamaqdır. Alın mədəniyyətinizi də, mentalitetinizi də, sevginizi də, hörmətinizi də başınıza çırpın!”.

Qeyd edək ki, N.Babaşlı sosial şəbəkələrdə “cover” ifaları ilə məşhurlaşıb. Müğənni ötən il “Azərbaycanın parıldayan ulduzu” kateqoriyasında “Altın Kelebek” mükafatına layiq görülüb.

P.S. Oxuyub, gəhşətə gəldik. Gözündə iti qədər də hörməti və sevgisi olmayan vətənini atıb gedənin dalınca yalnız bunu deyə bilərik:- Get, dalınca da qara daş. Sənin kimilər heç bu ölkədə yaşamasa yaxşıdır!

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.