Əməkdar artist Elza Seyidcahan da aparıcılıq edəcək.
Bu haqda Yenisabah.az-a müğənni özü məlumat verib. O bildirib ki, təqdim edəcəyi veriliş “Space” telekanalında yayımlanacaq.
“Sfetofor” adlanan proqramı Elza Seyidcahan, bacısı Rasimə Seyidcahan və Nərminə Ağası ilə birlikdə aparacaq.
Sənətçi verilişin sentyabr ayından efirə gedəcəyini də bildirib:
“Sentyabr ayının birindən başlayaraq veriliş efirə gedəcək. Artıq anonslar yayımlanmağa başlayıb. İlk qonağımız Tahir İmanov və bir psixoloq oldu. Verilişin başlıca prinsipi sənət və peşəkarlıq olacaq. Bizim verilişdə əsl xanımlıq, ziyalılıq təbliğ olunacaq. Bəzi insanlar ancaq kütləyə işləyirlər, lakin Qara Qarayev deyib ki, kütləni öz səviyyənizə qaldırın, özünüz kütlənin səviyyəsinə enməyin. Mən sizi inandıraram ki, verilişə 7-dən 70-ə hər kəs baxacaq. Verilişdə geyinəcəyimiz libasların da hamısı ekslüziv olacaq. Bu əlbəttə ki, çətindir, çünki hər veriliş üçün qırmızı, sarı, yaşıl geyimdə olmalıyıq. Bu da məsuliyyət tələb edir”. -Elza Seyidcahan bildirib.