Gültəkin Şirinova U-20 dünya çempionatında bürünc medal qazanıb

Bolqarıstanın paytaxtı Sofiyada keçirilən güləş idman növü üzrə U-20 dünya çempionatında Gəncənin yetirməsi Gültəkin Şirinova (50 kq) polşalı Nataliya Valçaka cəmi 1 dəqiqə 10 saniyə ərzində 10:0 hesabıyla qalib gələrək, çempionatın bürünc medalını qazandı.

Onu da qeyd etmək yerinə düşərdi ki, Gültəkin Şirinovanın məşqçi-müəllimi Mehman Allahverdiyevdir.

İdmançılarımızın qazandıqları qələbələr bizi hər zaman sevindirir. Bu münasibətlə  idmançımızı və onun məşqçi-müəllimini təbrik edirik, gələcək yarışlarda daha böyük uğurlar arzulayırıq.