Namiq Fərhadoğlunun rəhbəri olduğu layihə əsasında “Lider”TV-də yayımlanan “Sənin ulduzun-5 ” musiqi yarışması 2 ay, yəni 8 həftə, hər həftənin 4 və 5-ci günləri canlı yayımlanmışdır. Bu müddət ərzində Rəvan Sabiroğlu əvvəldən axıra qədər 16 dəfə həftənin lideri olmuşdur. Nəhayət, dekabrın 14-də möhtəşəm final günündə Rəvan Sabiroğlu “Sənin ulduzun-5” musiqi yarışmasının qalibi, birincisi oldu. Rəvan layihənin rəhbəri tərəfindən 1-ci yerin kuboku və 1-ci yerin diplomu ilə təltif olunmuşdur.
Gənc Rəvan hal-hazırda müsabiqənin qalibi kimi televiziya kanallarında verilişlərə dəvət edilir.
