Gəncə Şəhər İcra Hakimiyyətinin dəstəyi, Fikrət Əmirov adına Gəncə Dövlət Filarmoniyasının təşkilatçılığı ilə “Musiqinin gücü” layihəsi təqdim olunacaq.
Milli Musiqi Gününə həsr olunan və 18-20 sentyabr 2024-cü il tarixlərində saat 18:00-da keçiriləcək layihə çərçivəsində Gəncə Dövlət Filarmoniyasının Kamera Orkestri, Xalq Çalğı Alətləri Ansamblı və Gəncə-Daşkəsən Regional Mədəniyyət İdarəsinin nəzdində fəaliyyət göstərən musiqi məktəblərinin konsert proqramları baş tutacaq.
“Musiqinin gücü” layihəsinin əsas məqsədi klassik musiqini, milli dəyərlərimizi təbliğ və insanların asudə vaxtının səmərəli keçməsinə xidmət etməkdir.
Qeyd edək ki, keçiriləcək konsertlərə giriş sərbəstdir.