Gəncə Dövlət Dram Teatrı karantin günlərində də öz işini uğurla davam etdirir.
Etmtv. news xəbər verir ki, teatr mart ayının 20-dən etibarən tamaşalarını #evdəqalteatrsızqalma devizi ilə onlayn rejimdə həftədə üç tamaşa olmaqla teatrın “Facebook” səhifəsində yayımlamağa başlamış, aprel ayından isə onlayn yayımlanan tamaşaların sayını artıraraq, həftədə beş gün olmaqla onlayn efirə çıxır.
Tamaşaçıların xüsusi karantin günlərində vaxtlarını daha səmərəli keçirmələri üçün, hətta özünün onlayn-radiosunu yaradaraq, Gəncə Dövlət Dram Teatrının cari repertuarında olan tamaşaların və arxiv tamaşalarının radio versiyasını hazırlayaraq tamaşaçıların ixtiyarına vermişdir.
