Gəncə şəhər Mərkəzləşdirilmiş Kitabxana Sisteminin 19 №-li kitabxana filialının işçiləri, Şah İsmayıl Xətai adına 13 №-li orta məktəbdə, “Məktəb – Müqəddəs məbəddir” başlığı altında Bilik günü və yeni dərs ilinin başlanması münasibətilə məktəblilərin ilk dərs gününün açılışında iştirak ediblər.
Etmtv. news xəbər verir ki, tədbirdə Gəncə şəhər Şah İsmayıl Xətai adına 13 saylı orta məktəbin direktoru Hüsnay Mövlayeva məktəbliləri ürəkdən təbrik edərək, Respublikanın bütün təhsil ocaqlarında Bilik günü xüsusi gün kimi qeyd olunduğunu söylədi və kitabxana işçilərinə onların sevincini paylaşdıqları üçün razılıq etdi.
19 saylı kitabxananın müdiri Elza Əliyeva, kitabxanaçı Nərgiz Məmmədova məktəbliləri təbrik edərək yeni dərs ilində dərslərində müvəfəqiyyətlər arzu etdilər.
Kitabxananın oxucuları olan məktəblilər tətil zamanı kitabxananın onlara göstərdiyi xidmətdən danışdılar və kitabxanadan dərs zamanı onlara lazım olan elm sahələri üzrə vəsaitlərdən istifadə edəcəklərini bildirdilər.