Gəncə və ətraf regionlardan olan uşaq inkişafı mütəxəssislərinin bilik və bacarıqlarının artırılması məqsədilə keçirilmiş növbəti təlim Amerikalı mütəxəssis Tammie Lenert tərəfindən aparılıb.
Təlimdə Autizm Sindromu Pozğunluqlarında əlaqəyə əsaslanmış qiymətləndirmə üçün yeni terminologiya, qiymətləndirmənin dörd əsas sahəsi, Autizm Sindromu Pozğunluğu olan uşaq və onun valideyni ilə canlı qiymətləndirmə, uşaq/valideyn qiymətləndirməsinin analizi və fikirlər, qeyri-verbal ünsiyyət şərtləri və tətbiqi/praktikası kimi mövzular müzakirə edilib.
İştirakçılar arasında uşaq inkişafı mütəxəssislər işlədikləri uşaqlarla necə münasibət qurmaları yollarını öyrənməyə imkan yaradan canlı qiymətləndirmə xüsusi maraq doğurub. Bu tək onlar üçün deyil, həm də valideynlər üçün yararlı olacaq. Belə ki, mütəxəssislər valideynlərə evdə uşaqları ilə düzgün münasibət və ünsiyyətə girmə yönündə məsləhətlər verəcək.
