Gəncə Regional Mədəniyyət İdarəsi rəhbərliyinin təşəbbüsü ilə 1 iyun Uşaqların Beynəlxalq Müdafiəsi günü münasibəti ilə maraqlı tədbir keçirildi.
İlk öncə tədbirin rəsmi qonaqları: Gəncə Regional Mədəniyyət İdarəsinin rəisi Vasif Cənnətov, millət vəkilləri Pərvin Kərimzadə və Muşfiq Cəfərov, Təhsil İdarəsinin rəisi Anar Qədiməliyev, Gənclər İdman Baş Idarəsinin rəisi Həmid Nəsirov, Gəncə şəhər Gənclər evinin direktoru Amil Qurbanov Gəncə şəhər Uşaq İncəsənət Məktəbinin filialı önünə gəldilər. Onlar Gəncə şəhər Uşaq İncəsənət və Rəssamlıq məktəblərinin şagirdlərinin asfalt üzərində sülhü Azərbaycan, Azərbaycan bayrağını və Azərbaycan əsgərini vəsf edən rəsmlərlə tanış oldular.
Sonra qonaqlar filial binasına daxil oldular. Uşaq İncəsənət məktəbinin “Xəmsə” nağaraçalanlar ansamblının (bədii rəhbər məktəbin müəllimi Sohrab İbrahimov) ifasında “Azərbaycan ritmləri” kompozisiyasını təqdim etdi. Qonaqlar foyedə hər iki məktəbin rəsm əsərlərindən ibarət sərgi ilə tanışlıqdan sonra, qonaqlar konsert salonunda, İncəsənət məktəbinin hazırladığı musiqi proqramı təqdim olundu. Tar sinfinin şagirdi, respublika müsabiqələrinin laureatı Murad Məmmədli bəstəkar Qara Qarayev “Yeddi gözəl” baletindən valsı və fortepiano sinfinin şagirdi Fidan Bayramova bəstəkarlar Arif Məlikovun 1 nömrəli prelüdünü, Şopen 9 nömrəli etüdünü təqdim etdilər. Məktəbin müəllimi Yaqub Mustafayeva “Sarı gəlin” xalq mahnısını təqdim etdilər. Uşaq İncəsənət Məktəbin direktoru Ramail Atayev, cari ilin may ayında Azərbaycan Rəssamlar İttifaqının Azərbaycan Rəssamlar İttifaqının Azərbaycan Dövlət Rəsm Qalereyası və “Xətai” Sənət Mərkəzinin təşkil etdikləri “Vətənim Azərbaycan və Azərbaycanın müsabiqələrində uğur qazanan şagirdlərə diplom və sertifikatları təqdim etməyi tədbirin rəsmi qonaqlarından xahiş etdi.
Tədbirin sonunda Gəncə Regional Mədəniyyət İdarəsinin rəisi Vasif Cənnətov 1 İyun Uşaqların Müdafiəsi günü münasibəti ilə tədbirdə iştirak edən şagirdləri, onların şəxsində bütün uşaqları təbrik etdi, ölkəmizə sülh əmin amanlıq, uşaqlara xoşbəxt həyat arzuladı.
Sonda tədbirin əsas iştirakçıları ilə xatirə şəkli çəkdirdilər.
