“Kanal rəhbərləri mövqeyi olanları işə götürmür”

“Məni kədərləndirən mövzulardan biri də mövqesizlikdir. Bizim insanlarda bir tendensiya var: “Mənə yaxşıdırsa, niyə başımı ağrıdım?” Bu, kökündən səhv və problemlər gətirən bir anlayışdır. Gənclərimiz var ki, mövqeleri formalaşıb, cəmiyyətdə olan problemlərə göz yumurlar, hardasa yazır, səsləndirirlər. Onlar əfsuslar olsun ki, xalq düşməni kimi qəbul olunur. Ən böyük problem budur”. 

Etmtv. news “Qafqazinfo”-ya istinadən xəbər verir ki, bu sözləri aparıcı Hüsniyə Məhərrəmova deyib.  O, “Əkinçi” adlı yutub layihəsinə qonaq olarkən televiziyada olan problemlərdən danışıb. Aparıcı qeyd edib ki, indi əksər insanların mövqeyi yoxdur və TV rəhbərləri bu cür insanlarla çalışmaq istəyir:

“Rəhbərlər də mövqeyi olan insanları işə götürmürlər. Onlar seçimini mövqesiz insanlardan yana edir. O rəhbərlər düşünmürlər ki, “bəli müəllim, siz deyəndi” deyən həmin insan səhəri bu sözləri başqasına deyəcək, yaltaqlanacaq. Mövqeyi olmayan insan satqınlıq edə bilər, yalan danışar. Cəmiyyətin bir problemini işıqlandıran şəxs sənə pislik etmir ki? Əksinə ürəyi yanır. Ölkəni sevdiyi üçün, problemi aradan qaldırmaq üçün bunları edir. Əslində mövqeyi olan insanlara iş, vəzifə şəraiti yaratdılmalıdır. Həmin problemləri bu insanlar aradan qaldıra bilər. Televiziya çalışan insanlara səslənirəm. Qoymayın ki, sizi mövqesizləşdirsinlər, rəndələsinlər, boz rəngə çevirsinlər.Çünki gələcəyiniz öz mövqeyiniz üzərində qurulacaq. Sözünüzü deməyi bacarın”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.